يا فتوكات انا بشوف واقرأ قصص كتير عن خيانه الصديقات للصداقه وانو ممكن صديقه تطمع في زوج صديقتها والكلام ده
انا قبل سنوات كان عندي صديقه ملتزمه وتصادقت معاها لله
تعرفت عليها عن طريق زوجها لأن زوجها يبقي صديق طفوله لأخي وقريبنا من بعيد جدا رغم اني مكنتش اعرفه لأنه كان عايش في امريكا
اول يوم جابها عندنا علشان يعرفها علي ماما وعلينا
كانت كتير طيبه كنت متردده في البدايه من مصادقتها لأنها متزوجه وانا عندي فكره عن المتزوجات انهم ما يخبوش حاجه عن ازواجهم بس كان نفسي في صحبه صالحه تقيه فقبلت
كنت ازورها واروح بيتي قبل ما يرجع زوجها وهي وحيده لأن اهلها ساكنين في دوله تانيه فكانت تقولي تعالي عندي كتير
لما خلفت اول مولود بنوته صغيره زوجها اصر انو يسميها علي اسمي
وفعلا سموها علي اسمي
عدت سنه واكتر وعلاقتي بصديقتي جميله وفي يوم من الايام اعدنا مع بعض وروحت من عندها تسعه بالليل كالعاده جت اتصلت لما روحت وقالت لي يا فلانه زوجي قال انو ميصحش تروحي لوحدك وانت بنت صغيره والدنيا مش امان وبعد كده هو اللي هيوصلك لحد البيت
وللعلم انا كنت في الرابعه والعشرين ولا صغيره ولا حاجه
استغربت من الكلام ده وقلت ليها مش الخلوه بين راجل وست حرام
ازاي عايزه جوزك يوصلني قالت لي هو زي اخوك وعادي وبيعزك زي اخته
قررت علشان اخلص من المشكله اني اروح بدري اووي من بيتها علشان ميوصلنيش لأن ده خلوه وحرام انا مش بركب تاكسي وحدي علشان مكونش مع راجل في خلوه وده نفس الشئ
زوج صديقتي بدأ يزورنا في البيت كتير معظم الوقت بدون مرأته وبدون علمها وانا بدأت مأحترموش لأن مراته كانت وحيده وتطلب منه يقضي وقت معاهم ويتلكك بالشغل ويروح بيته علي 12 بالليل لقي وقت يزورنا ازاي يعني
في يوم كنت اعده مع عيلتي وكان في نقاش عن تعدد الزوجات وهو جيه زارنا وكنت بدافع عن تعدد الزوجات وبناقش امي انو مينفعش نهاجم شرع ربنا او نتكلم عليه { للعلم انا لا اريد ابدا الزواج من متزوج لأنه ابتلاء ربما لن اطيقه } لكن لا الوم من تفعل ولا اهاجم شرع الله لمجرد اني انثي عاطفيه
فزوج صديقتي فرح بتفكيري وقال : ماشاء الله انتي علي كده ممكن تقبلي بواحد متزوج وضحك انا طنشته وعدت الايام ونسيت الموضوع
ثم صدمت انه طلب ايدي للزواج رسمي من عيلتي وهما قالوا له القرار الاول والاخير بيدي انا وهيسألوني ويشوفوا الجواب
انا قلت لا من غير تفكير وزعلت جداً وحسيت بإهانه انه يفكر اني ممكن اخون صديقتي واقبل بيه دا لو مكانتش صديقتي بردوا مش عايزه ابدا حياتي مع متزوج لأن الغيره صعبه
ونزل من عيني جداً مش انو فكر يتجوز تاني لكن انو فكر يكسر مراته بزواجه من اعز صديقه علي قوله اخواتي المصرييات ضربتين في الراس توجع
بعد رفضي للزواج منه بدأ يحاول يبعد مراته عني بس هي كانت بتتمسك بيا وبدأ يتعامل مع اسرتي بسوء وكلام هنا وهناك
انا قطعت ازورها خالص وقطعت تواصل معاها بالفون وقررت اني مقولهاش علي اللي حصل حفاظاً علي بيتها وسعادتها واني انسحب من حياتها هي كانت تتصل وتسأل وتعاتبني لبعدي وانا بقدم عذر ورا التاني
انا كنت عايزه اخرج من حياتها بدل ما جوزها يحرضها ضدي او ينقل كلام وتتحول الاخوه في الله لعداء
بعد غياب شهور طويله من ناحيتي اتصلت بيا وقالت لي لو محضرتيش فرح اختي اليوم الفلاني مش هكلمك ابدا ومش هسامحك
رحت الفرح وكان فرح اسلامي جميل صحبتي لما شافتني وشها نور رحبت بيا بالاحضان من غير عتاب علي جفاء الشهور اللي فاتت
وحده جارتها عاتبتني اني مسألتش عليها وقالت لي فلانه صديقتك لما كانت بتولد البيبي التاني ورايحه علي المستشفي قالت لي اتصلك بيها بس انت مرديتيش علي التلفون حتي وهي مريضه اول شخص بتلجأله انتي وانت مقاطعه
بصراحه انا بكيت وحسيت بكميه ذنب رهيبه ذنبها ايه صديقتي لو زوجها
عيونه زايغه قررت احافظ علي صداقتنا مهما كان الثمن
وبعد عامين هاجرت صديقتي لدوله اسلاميه هي واطفالها وبقي زوجها واتفقنا علي التواصل عندما كنت اودعها
وكنت اتصل بيها ونتبادل الحديث ثم مرضت جدا وانقطعت عن التواصل وكنت طريحه الفراش فتره طويله والحمدلله وثم اكتشفت ان صديقتي لا تتواصل معي لأنه بلغها انني علي علاقه بزوجها ونرغب بالزواج من بعض وهي صدقت الخبر اصبت بالصدمه لأن زوجها اصلا طلبني للزواج قبل سفرها وانا رفضت ولم ننشر الخبر كيف بعد رحيلها ومضي اعوام يأتي احد لنشر هذا الخبر الكاذب كيف صدقت صديقتي الخبر
علامات استفهام كبيره في رأسي وتعجب ابعد صداقتنا تؤمن بمثل هذا الكلام لماذا لم تسألني ولم تواجهني هكذا فقط حكمت بصدق اقاويل
الغريب انه عندما سمعت هي هذه الاقاويل كنت مريضه جدا و مخطوبه
ولم تكن تعلم هي
فقدت ايماني بالصداقه بعد ذلك وحين عقد قراني علي زوجي السابق اتصلت بها خصيصا لأخبرها انني تزوجت واني كنت مخطوبه طوال الفتره الماضيه واني انقطعىت عن التواصل لظروف مرضي
وضعت كل النقط علي الحروف اثبت لها براءتي وادرت ظهري بلا عوده
ليس كل فتاه تفكر في خيانه صديقتها وسرقه زوجها
اذا كانت صديقتك ذات دين وخلق ليس لك مبرر للشك فيها ولا تستحقين صداقتها ان ظننت بها سوء
ليس دوماً يقول الزوج الحقيقه انت ادري بكليهما فأحكمي بعدل
ان كنت تشكين بصديقتك في اول فرصه فهل هي حقا صديقه تؤتمن
ام انت مريضه شك تعانين البارنويا
اتعجب لماذا صارت الصداقه كلمه بلا معني
[/img]
♡
